الهوس الضوئي (الجزء الاول)

                 

السلام عليكم

قبل فترة سويت فقرة فبرنامج شبابنا كنت اتكلم فيها عن اشياء على اساسها نشتري الكاميرا او العدسة المناسبة

وهذي الاشياء انا شخصياً استفدت منها واتمنى انكم تستفيدون منها كمان : )

اختيارك للكاميرا يعتمد على الاشياء اللي راح تصورها سواء كان فرح ,  جمعتك مع اقاربك ولا صحباتك =d  , توثيق رحلات زي الرجال اللي يحبون يسافرون ويحتاجون كاميرا صغيرة تفي بالغرض.

 على حسب احتياجك راح تحددين نوع الكاميرا 

هل تصويرك يكون توثيق او للسفرات او المناسبات  !

الكاميرا المناسبة لك كاميرا مدمجة (الكومباكت) , لسهولة استخدامها وسعرها وحجمها المناسب جداً.

انا هذي الكاميرا لها تقريبا عندي 3 سنين صح دقتها مو مرة عالية لكن تصويرها كويس ،  بس للامانة يعني استفدت منها.

طيب منتي حابة هذي الكاميرا مثلا وحابة تغيرين وتاخذين كاميرا شبه احترافية او احترافية وتجيب لك الصور مرة حلوة وتقدرين تبدلين عدسات مثل :

كاميرا كانون d1100

كاميرا كانون d650

كاميرا نيكون d3200

كاميرا نيكون d2100

هل تصويرك يكون  portraits (تصوير اشخاص) , landspcape  (مناظر طبيعية) , still life ( الطبيعة الصامتة) او تصوير عام يشمل هذي الاشياء كلها ؟

 وهل انتي جادة في دخولك لعالم التصوير والاحتراف فيه ؟!

الكاميرا المناسبة هذا كاميرا SLR

كاميرا الSLR  تعني : هي الكاميرات ذات العدسات القابلة للازالة , أي انك تستطيع إزالة عدساتها وتبديلها بعدسات تناسب موضوع تصويرك.

كلنا إذا قررنا نشتري كاميرا احترافية اول سؤال بنوقف عنده ناخذ كانون ولانيكون !

بصراحة مافيه فرق بين الشركتين الا ان نيكون ممكن يكون حجم الميجابكسل فيها عالي فأكثر كاميراتها وهذا شي حلو 

بس عدساتها احس شوي غالية : /

اما الكانون فهما يقولون انو الوانها احسن من النيكون ويبغالي اقارن بين كاميرتين عشان اشوف صح اولا ! 

فالنهاية كلها كاميرات ممتازة وطلعت لنا بصور مرة حلوة وهذا فيديو عن المقارنة بينهم 

http://youtu.be/ua6wF5WBlUw

بعد مانحدد من أي شركة راح ناخذ الكاميرا , راح نوقف عند أي فئة راح ناخذ مبتدئ  او متوسط او احترافي

في قاعدة لكاميرات كانون كل مانقصت خانة فالارقام كل مازادت احترافية يعني

 d1000 , d1100  شبه احترافية

 اما d650  , d600 , d550  احترافية

D60 اكثر احترافية وكذا 

هذا جدول مواصفات لكاميرات كانون

واكيد اننا راح نرجع في تحديد الفئة على حسب حاجتنا للتصوير والرجوع الى المواصفات والاسعار عشان نحدد اللي يناسبنا.

ممكن نحتار بين كاميرتين او ثلاث بس لازم نقارن ونسأل عن مواصفاتها واسعارها.

بالنسبة للمقارنة في موقع اسمه dpreview تقدرين تقارنين فيه بين اكثر من نوع للكاميرات حتى لو عشرة كاميرات

http://www.dpreview.com/

فالبداية تضغطين على buying guide 

بتجيك اختيارات بتضغطين على (camera side-by-side) 

بيجينا فراغ راح نكتب فيه اسم الكاميرا اللي نبغاها وراح تجينا الكاميرا على الجنب (انا بحثت عن 60d)

راح اقارن بينها وبين نيكون d5100

وراح اقارن معاهم 7d :$

 راح اضغط على compare علشان اشوف النتايج والتصويت 

 

المقارنة بينهم كلهم بكل المواصفات وطلعت لنا الكاميرا الافضل من التصويت هيا 7d

الاشياء اللي ضروري نقارن بينهم 

أ-حجم السنسر.

ب-الايزو. -اللي نقدر من خلاله نرفع الاضاءة او نخفضها-

ج-الميجا بكسل. -دقة الصورة-

د-سرعة الغالق.

(السنسر:هو اهم جزء فالكاميرا وهو المسؤول عن جودة الصورة وهو الجهاز الذي يحول الصورة من الواقع الى الديجتال.

حجم السنسر وجودة الصورة:

عندما نقول كاميرا 12 ميجا بكسل نعني بذلك ان السنسر في هذه الكاميرا يحتوي على 12 مليون نقطة ضوئية نقوم بقياس الضوء إذا كان السنسر صغير يعني النقطة ستكون صغيرة جداً لذلك سيكون قياسها للضوء عشوائي وغير دقيق.

لذلك نشاهد قلة جودة صور كاميرات الكومباكت وظهور التشويش في الصور وذلك بسبب صغر حجم السنسر في الكاميرا.

بينما إذا كان السنسر كبير ستكون النقطة هذه اكبر وكلما كانت النقطة الضوئية اكبر كان قياسها للالوان والضوء أدق)

من كتاب : فن التصوير الضوئي لأحلام النجدي.

فيه ناس يعتمدون على نوع الكاميرا اكثر من العدسات وفيه ناس العكس ماتهمم الكاميرا بقد ماتهمهم العدسات ! 

بس اكيد كل واحد اش اللي يناسبه 

             ________________________________________________

هذا الجزء الاول عن الكاميرات وطريقة اختيارنا لها 

الجزء الثاني راح اكتب فيه عن العدسات وعن الكتب والمواقع اللي راح تفيدنا كثير ♥♥

وان شاءالله استفدتوا *,*

مع السلامة ♥♥