الرسم بالضوء

السلام عليكم ورحمة الله وبركاته 

و ح ش ت و ن ي :( 

بس انشغلت وما قدرت انزل شي :(

اليوم بيكون درس عن الرسم الضوئي 

اكثر نوع تصوير ممتع هوا الرسم الضوئي ، ونقدر نكتب ونرسم اشياء كثيرة من خيالنا واحيانا تزبط 

ممكن بعض الناس لمن يشوفونه يقولون صعب لكن اعتقد انه اسهل نوع  من انواع التصوير وكل طلباته موجودة عند اي شخص والشي المهم هوا كاميرا من نوع SLR كاميرا احترافية او شبه احترافية.

الاشياء المطلوبة 

- ترايبود *حامل ثلاثي* (اذا ماكان موجود نقدر نحطها على طاولة مرتفعة او نجيب اشياء ونثبت الكاميرا عليها)

-مكان مظلم -_-

-مصدر صغير للضوء (نجوم الليل ، كشاف صغير ، شمعة ، نور شاشة الجوال)

-ريموت كنترول للكاميرا واذا ماكان موجود ممكن نحط الكاميرا على التصويربعد ثانيتين.

واخيرا نضبط الاعدادات ونحط سرعة الغالق على وضع blub ، اللي يقدر يخلينا نرسم وماعنده مشكلة فالمدة :) 

اما الايزو مو مهم بس لو خليناه 200 او  400 كويس 

(بعض كاميرات SLR اذا حطينا على وضع Blub نضغط ضغطة وحدة للكاميرا وتبدا تصور وتحسب واذا خلصنا الرسم نضغط عليها ضغطة ويقفل ، اما النوع الثاني من الكاميرات لازم نكون ضاغطين عليه بيدنا لمن نخلص الرسم وفهذي الحالة لازم يكون واحد يكون ضاغط على الزر  والثاني يرسم بالنور ، اذا ماحصلنا احد يضغطلنا نحط سرعة الغالق "30 او "25 ، وعلى حسب الرقم اللي اخترناه بيكون عدد الثواني اللي نقدر نرسم فيها)

اول شي نوقف الكاميرا على الترايبود ونوجهها على المكان اللي بنصور فيه ونحط على ( التصوير بعد ثانيتين) 

٢- نقفل اللمبات 

٣- نضغط ضغطة على الكاميرا ونروح للمكان اللي وجهنا عليه ونبدا نرسم او نكتب 

٣-اذا خلصنا من الرسم نقفل الضوء اللي معانا ونروح نضغط علشان نوقف التصوير ونشوف 💖

*اذا حطينا اي رقم "25 , "30 , فهيا الكاميرا من نفسها راح تقفل اذا خلصت المدة *.* 

وهذي صور للتجربة 

وفالنهاية ممكن نلخص الرسم الضوئي باربعة اشياء :

ترايبود + ظلمة + كشاف + الشتر على (blub) 

وان شاء الله انكم استفدتوا *.*

مع السلامة ♥♥