كتب قرائتها في اجازة الحج .

السلام عليكم ياصُحباني 

كل عام وانتو بخير 

حبيت اشاركم كتبي الثلاثة اللي انتهيت منها في اجازة الحج ، كتب رايقة 3>

نبدأ بأول كتاب 

رواية يافا ، للكاتبة نبال قندس 

الرواية هذي من الروايات اللي كنت عارفتها من زمان وللاسف ماقريتها غير تو :( 

نبال فلسطينية ، وهنا نقلت لنا معاناة اهل فلسطين مع الاحتلال ، اشتياقهم لحيفا ، معاناتهم فالمخيمات ، صورت لنا كيف يستقبلون الشهيد وكيف يفدون نفسهم لفلسطين 

واكثر شي حبيته قصة الحب اللي كانت بين حسن و-ماراح اقول اسمها-

الناس اللي يحبون فيروز ، والمطر ، اللي جوهم شاعري وقهوة ساخنة صدقوني بتعجبكم D: 

 اعطيها خمس نجوم.

الكتاب الثاني 

رواية الخيمائي لباولو كويلو 

اشهر من نار على علم هذي الرواية 

تحكي عن راعي اغنام اندلسي اسم سنتياغو ، تحلم مرة بأنه يسافر للاهرامات ويحصل عندها كنز وبعد ماتكرر حلمه اكثر من مرة قرر انه يروح للأهرامات ويحقق حلمه ، احداث الرواية وجوهرها في الرحلة هذي .. 

الرواية قيمّة وعجبتني مرة ، خصوصا انها عن الاسطورة الشخصية والاشارات الالهية   

الشي اللي ماحبيته بصراحة الترجمة ، وصلتلي المعنى بس ما استمتعت بشكل كامل 

قريت بموقع قود ريدز ان ترجمة بهاء طاهر افضل واسمها ( السيمائي ساحر الصحراء) 

كل الترجمتين تحصلونهم بالمكتبة الجامعة 

٤ نجوم .

الكتاب الاخير

وهو نصوص للكاتب بندر جازي 

اعطيه نجمتين بس اولا لخيال الكاتب والنجمة الثانية للغلاف ..

 كتاباته فمواقع التواصل افضل من اللي فالكتاب بكثير ! 

وبكذا خلصنا الكتب اتمنى انكم استفدتوا وتشجعتوا تقرونها 

+ الاقتباسات هنا : http://reeman2.tumblr.com

-رابط رواية يافا / http://cutt.us/Y4ca 

-الخيمائي اتوقع ٥٠ ريال 

-كي لا اكون باردا / ٣٠ ر ، جرير 

مع السلامة يا صُحابي.